KAUWALAKEN SAKING PAGIRIS

KAUWALAKEN SAKING PAGIRIS

Rebo, 21 Oktober 2026 Minggu Limrah

Daniel 6:1-28; Jabur 98; Mateus 17:22-27

KAUWALAKEN SAKING PAGIRIS

“Allah kawula sampun ngutus malaekatipun mbungkem cangkemipun

singa-singa punika, satemah boten saged nyikara dhumateng kawula,

amargi kawula pancen boten kadunungan kalepatan wonten ing ngarsanipun; nanging ugi dhumateng panjenengan dalem kawula boten nandukaken piawon” (Daniel 6:23)

————————————————————————————————————————–

             Kadospundi raosipun nalika kita saged luwar saking kawontenan gesang ingkang nggegirisi? Tuladha kemawon, kita nemahi kacilakan ananging pranyata raga kita blas boten tatu. Utawi, nalika sakit sampun dangu, kados-kados sampun boten wonten pengajeng-ajeng, ananging kita lajeng alon-alon pulih lan saged mantun kados wiwitan. Temtu ingkang kita raosaken punika bingah sanget. Kita lajeng saged nindakaken pakaryan padintenan kita malih.

             Waosan saking Kitab Dhaniel 6:1-28 nyariyosaken lelampahan nalika Dhaniel kaparingan paukuman amargi boten purun nyembah sang nata lan milih tetep manembah dhateng Gusti Allahipun Rama Abraham. Paukumanipun inggih punika kalebetaken ing luwenging singa. Ananging sasampunipun satunggal wengi natas, sang nata uninga bilih Dhaniel taksih gesang lan boten kirang satunggal napa. Malah Dhaniel ngaturaken paseksi bilih Allah ingkang dipun sembah sampun nutup cangkemipun singa-singa punika satemah boten nyilakani Dhaniel. Saking prastawa punika sang nata ngraosaken bingah lan pitados dhateng Allahipun Israel, saha tiyang-tiyang ingkang nindakaken pitenah lajeng nampi paukuman kalebetaken ing luwengipun singa kalawau.

             Mbok menawi kita nate wonten ing kahanan kadosdene Dhaniel kalawau. Kita kaluwaraken saking perangan ingkang nggegirisi lan kepara saged nindakaken paseksi bab pakaryanipun Gusti Allah. Punapa ingkang saged dados pangucap sokur kita? Temtu kanthi ngginakaken wekdal peparingipun Gusti punika kanthi prayogi. Kita sampun kaluwaraken saking pagiris, mila kita kedah paring pambiyantu dhateng sesami ingkang nandhang ingkang sami. Gusti ingkang ngrimati kita sedaya. |*WAS     

Leave a Reply

Alamat email Anda tidak akan dipublikasikan. Ruas yang wajib ditandai *

Contact

Email : sekberbmgj@gmail.com

Kantor Sekretariat Bersama @sinode GKJ
(0298) 326684

© 2022 Created by SekberBMGJ

This website uses cookies to provide you with the best browsing experience.

Accept
Decline