1 Kula ngaturken sembah, dhuh Pangeran Yehuwah, nggunggung asma Paduka Kang Maluhur Mamulya; Gustining makluk samya, klayan bingahing driya 2 Dhuh, Sang Yéhuwah, Gusti. Paduka kula puji, ing dalu dalah rina. Agung sih kawlasanta, lubèr berkah Paduka tumrah mring titah wrata. 3 Dhuh, Yéhuwah Pangéran, kawula ngidung girang. Wit sih-rahmat Paduka, kula samya waluya, luwar sing rèhing pati sinungan gesang yekti.
Serah Terima Sekber BMGJ Periode 14 ke 15
Serah terima kepengurusan Sekretariat Bersama Badan Musyawarah Gereja-gereja Jawa (BMGJ) dari Sekber periode ke-14 kepada Sekber periode ke-15 telah dilaksanakan pada Rabu, 14 Januari 2026. Kegiatan ini berlangsung di kompleks Kantor Sinode GKJ. Acara serah terima ini menjadi penanda berakhirnya masa pelayanan Sekber BMGJ periode ke-14 sekaligus dimulainya tanggung jawab pelayanan Sekber periode ke-15. Momentum ini diharapkan memperkuat kesinambungan pelayanan, koordinasi, dan kerja sama lintas gereja yang tergabung dalam BMGJ. Melalui pergantian kepengurusan ini, BMGJ diharapkan terus bertumbuh sebagai wadah kebersamaan gereja-gereja dalam menjawab tantangan pelayanan dan kesaksian di tengah masyarakat.
KPJ 10 HE WONG SALUMAHING BUMI
1 He wong salumahing bumi padha sumyaka memuji lan ngabektia mring Allah kambi ngidung klawan bungah 2 Hyang Ma’agung dèn anggepa Allah kang nitahken kita. Kita umat kagungané, sarta ménda ngèn-ngènané. 3 Mlebua mring gapuranya klawan muji lan pirena, wah marang ing pasucèné, klawan anggunggung asmané. 4 Dé Pengéran asih-darma alanggeng sih-kadarmannya, wah kasetyané tan kendhat, tan gingsir trus ing akérat.
KPJ 9 HÉ, SARUPANING PRA UMAT
1 Hé, sarupaning praumat, padha mujia mring Allah. Hé, sakèhing para bangsa, asmané padha luhurna. 2 Wit sih-kadarmané Allah, luwih gedhé tumrap kita, langgeng kasetyané Allah, mila pinuji-pujia.
KPJ 8 HALELUYA
1 Haleluya pangeran aneng papan pamujan, pinuji asmanya, dalah aneng akasa Wit Gusti Allah Makwasa, kamulyannya Maadi, ngungkuli samudaya, munggweng swarga lan ing bumi 2 Linuhurna Hyang Agung klayan sagunging kidung, binarung salir gangsa wah kang mijilken swara. Geguritan wah beksannya makluk kang darbé nyawa, ngluhurna Hyang Makwasa sru ngidungna Haléluya!
KPJ 7 GUSTI, KAWULA SOWAN
1 Gusti, kawula sowan atur pangabekti, pasrah nyawa lan badan kanthi trusing ati. Mugi Paduka tampi, wah paring kadarman, dimen kula lestantun wonten ing kraharjan. 2 Kawula sèstu ngudi manut rèhing Gusti, nanging ringkihing budi tansah memalangi. Dhuh Gusti, mugi rawuh, mulunga ing asta, dadya gondhèlan bakuh, kula tan suwala. 3 Kula sèstu pracaya tan ngandelken dhiri, namung karsa Paduka kang kula lampahi. Karahayon sejati pangajap kawula, sedya ngambah ing margi pitedah Paduka. Amin.
KPJ 6 GUSTI KANG MURBENG DUMADI
1 Gusti kang murbeng dumadi, kawula sami sowan ngaturaken pangabekti ingkang yekti. Ngunjukaken puja puji, panuwun lan panyuwun anampeni, sabdeng Gusti.
KPJ 5 DHUH PANGÈRAN
1 Dhuh Pangèran Ingkang Maha Suci, kula sami marek tetunggilan. Salir bangsa salumahing bumi amemuji mring asmané Gusti. 2 Gusti tresna mring kula sadaya, saking kilèn miwah saking wétan, sami nunggil klayan Sang Pamarta, Yésus Kristus kang dados Panutan.
KPJ 4 DHUH NYAWAKU, SIRA SAOSA PUJI
1 Dhuh nyawaku, sira saosa puji mring Pangeran Allah Kang Maha Suci. Sabatinku ngluhurna asmané. Dhuh nyawaku, Yehuwah kamulyakna. Aja lali sagunging kadarmannya. Élingana sawiji-wijiné. 2 Pujinen kang ngapura dosanira, kang marasken sagung lelaranira nebus uripmu saking antaka; kang angerobi sira lan kawlasan, kang maregi umurmu lan kadarman, wah ngenomaké kekwatanira 3 Sepira langit angungkuli bumi, semono gunging sihé Kang Masuci, mring wong kang nyaosi pangabekti. Sepira dohé kulon saking timur, iya semono dènnya dosaningsun ingedohken saking awak amba*.
KPJ 3 ALLAH MBABARKEN KWASANYA
1 Allah mbabarken kwasanya, pra kang nglawan buyar sirna lir lilin kénging brama, nging gung tyang mursid raharja, memuji lan sukarena, ngarseng Allah Mamulya. Pangèran jumeneng Rama tumrap salir tyang sangsara, ngluwari tyang siniya, temahan ngraosken begja. Déné tyang wangkot mbaléla siniksa bebendunya. 2 Allah mbélani pra umat ngagem sarana mukjijat wah salir kang neng jagad; Pangèran ngrentahken berkah kang nglimat sagunging titah, temah kraharjan anjrah. Wit kadarmaning Pangèran, tyang tinindhes kaluwaran, temah tan wonten panandhang ing rèhing Ratu Kaswargan. Dépara wadya-balanya, tyang nyebar kabar adya. 3 Allah Ratu kaadilan wus ngasorken pra adigang, temah kasurang-surang. Nging tyang ringkih ingauban, pinaringan gung kabegjan, karoban karaharjan. Gusti miji pasucènnya papan puruging manungsa, kinèn samya angabekti konjuk mring Allah Hyang Widi. Dalah kang swau mbaléla, nggih samya asung puja. 4 Allah Juruslamet yekti ngentas pra umat sing pati, temah samya basuki. Mila pra umat sabumi kedugi sami memuji, anggunggung maring Gusti. Sèstu Allah Mahaluhur, yogya pinuji lan masmur, Lestantuna nêng ngarsanya, wit mung Gusti Kang Makwasa, Yéku kang ngganjar kamulyan wah paring kakiyatan.